राहदानी

2081-09-17

१. के राहदानी बनाउनका लागि वडाको सिफारिश आवश्यक पर्छ?

पर्दैन। नयाँ राहदानी बनाउनका लागि राष्ट्रिय परिचयपत्र आवेदन फाराम, सक्कल नागरिकता र राहदानी नवीकरण गर्नुपरेमा पुरानो सक्कल राहदानी समेत पेश गर्नुपर्छ।

२. १६ वर्ष भन्दा कम उमेरका व्यक्ति (नाबालक) को राहदानी बनाउन के गर्नुपर्छ?

१६ वर्ष भन्दा कम उमेरका व्यक्तिको राहदानी बनाउनका लागि सर्वप्रथम नाबालक परिचयपत्र बनाउनुपर्छ। त्यसपछि राहदानी बनाउनका लागि नाबालक परिचयपत्र र बुवा आमाको सक्कल नागरिकता पेश गर्नुपर्छ।

३. जिल्लाबाट राहदानी आवेदन गर्दा आवेदन गरेको कति समयमा राहदानी प्राप्त गर्न सकिन्छ?

जिल्लाबाट राहदानी आवेदन गर्दा आवेदन गरेको सामान्यतया २५ दिन देखि ३५ दिन सम्ममा प्राप्त गर्न सकिन्छ।

४. राहदानी बनाउन कति दस्तुर लाग्छ?

-राहदानी आवेदन गर्दा देहायबमोजिमको दस्तुर लाग्छ:

५. कति म्याद सम्मको राहदानी नवीकरण गर्न मिल्छ ?

राहदानी नवीकरण गर्नका लागि पुरानो राहदानीको म्याद १ वर्ष वा सो भन्दा कम हुनुपर्दछ।सो अवधि भन्दा बढी म्याद भएको राहदानी नवीकरण गर्न मिल्दैन।

६. के राहदानी बनाउनका लागि फोटोहरु पनि सँगै लिएर आउनुपर्छ?

पर्दैन। अहिलेको राहदानी विध्युतिय राहदानी भएकाले फोटो खिची बायोमेट्रिक लिने काम कार्यालयमा नै हुन्छ।

७. द्रुत राहदानीका लागि के जिल्लाबाट नै आवेदन गर्न मिल्छ?

८ द्रुत राहदानीका लागि राहदानी विभागमा जाँदा जिल्ला प्रशासन कार्यालयबाट कुनै सिफारिश लिएर जानुपर्छ कि?

पर्दैन। तर नाबालक (१६ वर्ष भन्दा कम उमेर) को हकमा भने द्रुत राहदानीका लागि नाबालक परिचयपत्रको प्रमाणिकरण लिएर राहदानी विभाग जानुपर्छ।

९. जिल्ला प्रशासन कार्यालयमा आफ्नो राहदानी प्रिन्ट भएर आएको जानकारी कसरी प्राप्त गर्न सकिन्छ?

राहदानी विभागबाट आवेदकको राहदानी प्रिन्ट भएर जिल्ला प्रशासन कार्यालयमा आइसकेपछि आवेदकले आवेदन फाराममा उपलब्ध गराएको फोन नम्बरमा Dear applicant your passport is ready to collect भन्ने म्यासेज आउँछ।त्यस पछि जिल्ला प्रशासन कार्यालयमा आएर राहदानी लिन सकिन्छ।

१०. जिल्लाबाट राहदानीका लागि आवेदन गरेर राहदानी विभागमा गएर राहदानी लिन मिल्छ कि मिल्दैन?

मिल्दैन। जिल्लाबाट आवेदन गरेको राहदानी जिल्लामा प्रिन्ट भएर आइसकेपछि मात्र जिल्ला प्रशासन कार्यालयमा नै लिन आउनु पर्छ।

सबै हेर्नुहोस

जिल्ला प्रशासन कार्यालय, तेह्रथुम